Sápur

Eru sápuóperur ekki æðislegar? Er í þessum skrifuðu orðum að horfa á Bold and the Beautiful og þar er hún Stephanie að spjalla á fullu í öndunarvél! Well, ég stóð í þeirri meiningu að þegar einstaklingur er í öndunarvél gæti hann ekki talað. Þetta minnir mig á Mi Gorda Bella sem ég fylgdist með. Alltaf þegar einhver slasaðist, kannski mjög alvarlega og var vart hugað líf, þá lá sjúklingurinn alltaf með súrefni í nös og blóðþrýstingsmæli um upphandlegg. Og ekkert meira! Og við erum að tala um að þessi uppsetning var alltaf notuð, sama hvaða veikindi eða slys var um að ræða :)

Breyttir tímar

Sá umræðu á barnalandi um fermingar og kostnað við þær og ég varð eiginlega orðlaus. Það er greinilegt að maður þarf að fara að stofna fermingarsjóð, enda ekki nema 8 ár þangað til Magnús fermist :Þ Hér eru dæmi af barnalandi:

-Föt á alla fjölskylduna 110.000 kr.-
Klipping fyrir alla 20,000 kr.-
Salur og veitingar 250,000 kr.-
Blómakreytingar 10,000kr.-
Borðskraut, fermingarstytta og konfekt 30,000 kr.-
kerti,gestabók og servíettur 16,000 kr.-
Boðskort 15,000k kr.-
greiðsla og förðun á fermingardaginn 10,000 kr.-
gjöf frá systkinum 11,000 kr.-
gjöf frá okkur 130,000 kr.-
plokkun og litun 3,000 kr.-
Myndartakan er eftir og síðan er örugglega einhver auka kosnaður sem ég er að gleyma.

-Ég hugsa að með öllu sé þetta á bilinu 5-600,000


-Ég reikna með ca. 400 þús. með gjöfinni.

Ein nefndi undirföt í kostnað, eehh... aldeilis hafa tímarnir breyst, þetta var hlutur sem maður spáði nákvæmlega ekkert í, hvað þá förðun eða gervineglur!

Loksins myndir

Ég rændi myndum úr albúminu hennar Silju Maríu og setti á barnalandssíðuna :) En þær eru teknar þegar við fórum í mat til Herborgar og Bjössa á föstudagskvöldið. Þar fengum við dýrindis kjúklingabringur sem veltar voru uppúr brauðmylsnu og parmesan, mmmm.... verð að fá uppskriftina. Horfðum svo á x-faktor og ég er ekki enn að ná hvað Guðbjörg er enn að gera þarna inni! En held að það sé augljóst að Jögvan vinni þetta, hann er allavega minn maður :)

Annars var lítið gert um helgina, ég leit aðeins út með Kristínu og Herborgu á laugardagskvöldið, sem var bara mjög fínt. Á laugardagsmorgun átti sá sorgaratburður sér stað að bróðir mömmu var bráðkvaddur. Manni finnst það hálf óraunverulegt bara. Afi lést í seinasta mánuði og finnst manni heldur hart að þurfa að horfast í augu við sorgina aftur :( Þeir feðgar verða svo jarðsettir saman á Akranesi.

Thank god!

Þetta var sem betur fer bara sólarhringspest, er öll sprækari í dag eftir góðan nætursvefn. Gærkvöldið endaði á að ég skilaði pizzunni góðu á haf út og þar með var það búið :)

Plön helgarinnar eru óráðin, Magnús fer í pössun til afa síns í sveitina á morgun og gistir þar yfir nóttina. Það finnst honum ekki leiðinlegt, enda á hann 10 hunda og álíka marga hesta þannig að það er nóg að gera að hjálpa afa með það allt saman :)

Hef svo sem ekki mikið að segja, vildi bara láta vita að heilsan er komin í lag :)

:(

Hiti
Uppgangur
Beinverkir
Hausverkur
Almenn vanlíðan á háu stigi

Vill ekki einhver vorkenna mér :/

Akureyri

Akureyrarferðin var mjög fín hjá okkur Bjössa. Flugið gekk vel fyrir utan ágætis ókyrrð þegar við lækkuðum flugið inn Eyjarfjörðinn, mér var á tímabili hætt að lítast á blikuna :/ Á föstudeginum tókum við smá tjútt, byrjuðum á að borða á Strikinu þar sem við fengum fínan mat. Enduðum svo kvöldið á einhverjum klúbbi þar sem mjög fáir voru og við vorum lang elst, hehe. Laugardagurinn fór í tjill fram eftir degi, röltum um bæinn og kíktum í einhverjar búðir. Fengum okkur ljúffengar pizzur á Bautanum og skelltum okkur í bíó kl 6 á Norbit. Hún var nú frekar slök, maður var farin að bíða eftir að hún tæki enda, en maður gat nú eitthvað hlegið að henni ;) Um kvöldið fórum við svo að borða á La Vita e Bella. Þar fékk ég mér dýrindis forrétt sem samanstóð af hvítlaukssteikum portobello svepp með salati, mmmm...þvílíkt gott. Svo fékk ég mér lambakjöt og rauðvín með, voða gott allt saman. Eftir matinn fórum við bara á hótelherbergið og horfðum á sjónvarpið og fórum snemma í háttinn. Flugið heim gekk svo bara vel, smá ókyrrð hér og þar en ekkert miðað við ókyrrðina á leiðinni til Akureyrar.

Allt gekk vel hjá mömmu og pabba að passa. Hringur var dáldið rellinn enda að veikjast drengurinn. Fékk hita á sunnudagseftirmiðdaginn sem reyndar var horfinn daginn eftir. Hann er enn með ljótan hósta og nefrennsli. Svo kom morgungrauturinn uppúr honum áðan, vona að það sé ekki merki um gubbupest :/

Myndavélin okkar er víst bara ónýt, allavega of dýrt að gera við hana þannig að við þurfum sennilega að kaupa nýja :/ Læt hér fylgja nokkrar af Hring af símanum.



Ps. Andrea Gylfa bara búin að láta rétta tennurnar! Læt hér að því tilefni fylgja eina af mér með pre Andreu tennur sem ég keypti í Tiger :D

8 mánaða skoðun

Nýjustu tölur eru þær að Hringur er orðinn 9.4 kg og 75 cm á lengd :)Hann er því tveimur staðalfrávikum fyrir ofan meðaltal í lengd og einu í þyngd, alveg eins og Magnús var. Annars er allt er í orden hjá honum og er flottur strákur. Hann er samt ekkert að flýta sér að gera hlutina, rólegur eins og bróðir sinn :) En það eru alltaf framfarir og það er það sem skiptir máli.
Nú má ég fara að prófa að gefa honum fjölbreyttari álegg á brauð, hefur bara fengið smjör og lifrakæfu hingað til. Prófaði að gefa honum brauð með smjör og osti áðan og honum fannst það mjög gott. Svo kannski kaupir maður mysing og prufar það. Hann er enn aðallega að borða krukkumatinn í kvölmatinn en ég reyni að gefa honum það sama og við ef það er eitthvað við hæfi í matinn. Vorum með soðna ýsu og kartöflur um daginn og fannst honum það mjög gott.
Ef einhverjar hjúkkur lesa þetta blogg þá bað hjúkkan í skoðuninni mig um að láta það berast að það vantar hjúkkur á heilsugæsluna árbæ, og að mér skilst víðar, ef einhver hefur áhuga á því :)

Dónóstubbar

Var ekki alltaf talað um að Tinky Winky væri gay? Þetta myndband staðfestir það :D Takið líka eftir hendinni á Dipsy :O

Snillingafimi

Í gær byrjaði ég með Hring í snillingafimi í Hreyfilandi. Með okkur á námskeiðinu eru þær Birta og Súsanna og guttarnir þeirra, þeir Kristján Geir og Knútur. Mér leist bara vel á þetta, Hringur var að vísu dáldið pirraður inn á milli en það hlýtur að lagast, ekki vanur svona miklu áreiti. Svo fattaði ég að hann var nýbúinn að borða sem er kannski ekki sniðugt þegar maður er að hnoðast svona og verið að hvolfa manni og ég veit ekki hvað og hvað. Hann var gjörsamlega búinn á því eftir tímann og sofnaði um leið og ég lagði hann í rúmið heima :) Ég var nú ansi uppgefin líka, hafði verið í rope yoga kl 6 um morgunin og svo þetta sem reyndi nú eitthvað á, allavega varð ég ansi sveitt!
Á föstudaginn ætlum ég og Bjössi svo að skella okkur til Akureyrar í boði mömmu og pabba. Fljúgum kl 18:30 og komum heim um kl 14 á sunnudag. Mamma og pabbi ætla að flytja inn til okkar á meðan og vera með strákana :) Hlakka mikið til, fínt að fá smá breik bara við tvö og hlaða batteríin. Smá kvíði líka yfir að fara frá Hring svona í fyrsta sinn yfir nótt en ég treysti nú engum betur en mömmu og pabba til að sjá um hann :)

Nýji bíllinn

Fjárfestum í þessum fína jeppling í gær, Toyota Rav-4 árgerð 2004. Erum hæstánægð með hann, þvílíkur munur frá hinum, sem mun nú fá það hlutverk að vera vinnubíllinn hans Bjössa :)